Donaire punggota’g ulo ni Magdaleno

CEBU, Philippines – Nanganti si Jessie Magdaleno  sa Mexico nga iyang punggotan sa ulo ang five-division world champion nga si Nonito Donaire  sa ilang WBO super bantamweight title  fight karong Domingo didto sa Las Vegas.

“I hope he (Donaire) comes with his best game because we are going to rip his head off,” matud pa ni Magdaleno sa The Philippine STAR.

Ang 24-anyos nga si Magdaleno nagkanayon nga gusto niya nga mokawat og eksena bisan pa og anaa lang sila sa supporting main event sa  WBO welterweight title showdown nila ni Manny Pacquiao ug  sa Mehikanong si Jessie Vargas.  Gipadaplin usab ni Magdaleno ang pangangkon ni Donaire nga labaw kini sa kasinatian tungod usab sa kadaghan na nga higayon nga miaway ang Pinoy boxing icon og world title fights.

Si Magdaleno miingon nga dili katabang ang kasinatian ni Donaire tungod kay pugson kini niya   nga makigbinukbukay kaniya  ug iyang kuhaon ang knockout nga kadaugan. (BANAT NEWS)