Kilimo, Sorongon daog sa AUX Run

CEBU, Philippines - Ang Kenyan nga si Abraham Kilimo ug ultra racer nga si Ruffa Sorongon maoy nanghawod sa 16-kilometer open division sa 2016 AUX Run kagahapong adlawa didto sa Cebu Business Park.

Si Kilimo maoy misakmit sa men's title human mirehistro sa labing paspas nga oras nga 54 minutos ug 20 segundos. Abante siya og 17 segundos ni Rafael Piscos, samtang si Joseph Morere maoy nalandig sa ikatulong dapit sa oras nga 55:15.

Sa women's category, si Sorongon maoy nahimong hara sa dihang mitapos sud sa usa ka oras ug 11 minutos. Sila si Leslani Abella maoy na-2nd sa oras nga 1:11:30 ug gisundan kini ni Mereeis Ramirez sa oras nga 1:16:18.

Naghari sa 8K mao sila si Prince Joey Lee (26:15) ug Cherry Andrin (33:02).

Sa eksklusibong kategoriya alang sa mga empleyado sa BPO, sila si Paul James Zafico (59 mins.) ug Precious Mae Villaver (1:53:02) maoy mipatigbabaw sa tagsa-tagsa nila ka dibisyon sa 16K. — (BANAT NEWS)