CEBU, Philippines - Ang pambato sa University of Cebu nga si Prince Joey Lee ug si Lizzane Abella maoy midominar sa tagsa-tagsa nila ka dibisyon sa labing unang SUB-1 10K Challenge kagahapon nga nanukad ug natapos diha sa Plaza Independencia.
Si Lee maoy naghari sa men’s category dihang iyang gitapos ang lumba sud sa 33 minutos ug 19 segundos.
Nagsunod niya ang veteran triathlete nga si Emmanuel Commendador nga mioras og 33:55, samtang si Paul James Zafico nga adunay oras nga 34:41 mipahiluna sa ikatulong dapit.
Mikompleto sa top five male finishers mao sila si Frannie Canuman (34:52) ug boxer Ian Refuela (36:36).
Sa women’s class, si Abella maoy miangkon sa korona human milabang sa finish line sa oras nga 43:31. Sila si Aiza Suwaybaguio (48:28) ug Yshy Los Baños (49:00) maoy miokupar sa ikaduha ug ikatulong dapit.
Sila si Kate Lim (50:18) ug Jelma Monsanto (51:03) maoy mikompleto sa top five female. (BANAT NEWS)