10 players sa Rain or Shine paso na ang kontrata
CEBU, Philippines - Human sa ilang mubong kalipay dihang nakuha nila ang ikaduhang PBA title, giatbangan dayon og problema ang mga kadagkuan sa Rain or Shine Elasto Painters kay 10 sa ilang mga players ang mapupos na ang kontrata.
Giangkon sa management sa Rain or Shine nga 10 nila ka mga players ang mamahimong free-agents nga naglakip nilang Paul Lee, Jeff Chan, Jericho Cruz, Beau Belga, JR Quinahan ug Raymond Almazan.
Una nang miingon si coach Yeng Guiao nga dili siya gusto nga adunay mawala sa iyang koponan ug nanghinaot siya nga mapabilin ang iyang koponan.
Sa iyang bahin, si Atty. Mert Mondragon sa Rain or Shine nagtuo nga daghan ang mga koponan nga mosuway paghaylo sa ilang mga key players nga mobalhin. Mitug-an si Mondragon nga ang Finals MVP nga si Lee ug veteran bigman nga si Belga nakadawat og tanyag gikan sa ubang koponan. (BANAT NEWS)
- Latest
