Brook midepensa sa IBF title

Milampos ang British boxer nga si Kell Brook pagpanalipod sa iyang IBF welterweight title human niya gipaundang sa second round si Kevin Bizier. Si Brook kinsa misaka sa record nga 36-0, 25KOs, sunod nga mihagit ni WBC champ Danny Garcia alang sa usa ka unification bout.

Marquez mobalik sa Hulyo

Ang buwan sa Hulyo ang gitan-aw ni Mexican boxing legend Juan Manuel Marquez nga petsa alang sa iya unyang pagbalik og saka sa ring.

Ang 43-anyos nga Mexican champion una nang mipadayag sa iyang dakung interes nga moaway ni Puerto Rican star Miguel Cotto alang sa usa ka blockbuster fight.

Ward mikulata ni Barrera

Milampos sa iyang light heavyweight debut ang kanhi super middleweight champ nga si Andre Ward human niya gikulata ang contender nga si Sullivan Barrera alang sa usa ka unanimous decision nga kadaugan kagahapon didto sa California.

Sa maong kadaugan, ang kanhi pound-for-pound king giplanohan nga himuong challenger alang sa undisputed light heavyweight king nga si Sergey Kovalev.