7th WUCC ugma na banatan

CEBU, Philippines – Hinay-hinay na og pangabot dinhi sa Pilipinas ang mga partisipante sa 7th World University Cycling Championship nga mosikad ugma didto sa   Canyon Woods Resort sa Tagaytay City, Batangas.

Dunay 16 ka nasud ang mosalmot nga nagpadala  sa labing maayong laki nilang mga seklista. Gawas sa Pilipinas nga maoy host, ang mosalmot  mao ang South Africa, Poland, Mongolia, Japan, Costa Rica, Estonia, China, Australia, Chinese Taipei, Germany, Malaysia, Korea, Slovakia ug Netherlands.

Ang Pilipinas adunay 12 ka seklista, unom niini ang mosalmot sa road race ug laing unom sa mountainbike.

Ang mga seklista sa Pilipinas gipaluyohan sa Federation of School Sports Association of the Philippines (FESSAP).

Ang nagpasiugda sa 7th WUCC sa Tagaygay City mao ang FESSAP ug gipaluyohan sa   Commission on Higher Education (CHED), City of Tagaytay Mayor Agnes Tolentino, Philcycling president Bambol Tolentino, Department of Interior and Local Government, Department of Tourism, Office of the Senator Antonio Trillanes ug sa Federation of Filipino-Chinese Chamber of Commerce  and Industries Inc (FFCCCII). (BANAT NEWS)