Opon-Canillo nanghawod sa 'Bunal og Kusog' badminton

CEBU, Philippines - Sila si Trisha Opon ug Elloise Canillo sa Southwestern University maoy nangu sa mga mananaog ubos sa age-group bracket sa labing unang 'Bunal og Kusog' badminton tournament didto sa MetroSports sa Barangay Lahug, dakbayan sa Sugbo.

Si Opon ug si Canillo mipilde nilang Andrea Shane Aguillon sa Abellana National School ug Sharlene Tan sa Matilda Bradford School sud sa duha ka sets, 21-4, 21-4, aron pagsakmit sa girls 17-under title.

Sa mixed doubles, ang pambato sa University of Cebu nga sila si  Joel Barriga Jr. ug Shane Boloron mipilde sa managsuong Brian ug Demi Mancao, 21-8, 21-7 aron pag-angkon sa bulawang medalya.

Si Boloron, uban ni Daisy Pregla, mao sab ang nanghawod sa girls 15-under category human ilang gilupig silang Ezrah Grace Cayatas ug Cielo Carlawan, 21-10, 21-7. (BANAT NEWS)