Doce Pares 84 ka tuig na kagahapon
CEBU, Philippines – Malampuson ang pagsaulog sa mga sakop sa Cacoy Doce Pares World Eskrima Federation kaniadtong Sabado sa gabii bisan pa kung wala makadumala sa oath-taking ceremony ang 96 anyos nga Supreme Grand Master nga si Ciriaco "Cacoy" Cañete atol sa maong kasaulogan didto sa ilang headquarters sa dan C. Padilla ning dakbayan.
Ang mihimo sa pagpahurar sa mga napiling officers sa Cacoy Doce Pares atol sa tinuig nga eleksiyon kaniadtong Disyembre 30 mao ang apo ni SGM Cacoy nga si Grandmaster Chuck Canete.
Gihimo sab ang naandan nga mga eskrima exhibition niadtong gabhiona lakip ang panagtakos nilang Grandmaster John Mac batok ni kanhi scout ranger Choy dela Sala nga naghigtanay aron walay moatras og layo.
Si SGM Cacoy maoy president fort life sa Doce Pares nga natukod sa mga Cañete brothers niadtong 1932.
Ang mga opisyales sa Cacoy Doce Pares mao silang Cañete isip presidente, Catherine Cañete-Knight isip Vice-President for Foreign Affairs, Dennis Cañete, Vice-President for Local Affairs, Vice-President for Operations Chuck Cañete, secretary Atty. Bievenido Jaban, Jr. treasurer Glenn Cañete, auditor Abigail Cañete-Mejorado ug mga press-relations officers nga silang Gloria Cañete ug Bobby Inoferio.
Ang training director mao si Grandmaster John Mac, event director Levi Mejorado, marketing and promotions director Omar Paulo ug sports director Alfred Abarquez, Jr.
Ang mga sakop sa board of directors mao silang Bernadette Cañete Tormis, Ernesto Elizondo, Atty. Amorito Cañete, Ben Gonzales, Floro Mabalhin. Gaudencio Caruana, Jr. Lucio Cañete, Raul Bunalos, Felix Ybanez, Rey Fajardo, Dean Michael Cañete, Mike Parker,Anecito Suan, Diony Tejadillo, Dante Arcilla, Jr. Michael Escario, Danilo Serundo ug Ramie Balbuena. (BANAT NEWS)
- Latest
