Fil-Am nakadepensa sa UFC belt
CEBU, Philippines – Napanalipdan ni Fil-American mixed martial artist ‘Ruthless’ Robbie Lawler ang iyang UFC welterweight title human sa usa ka kulbahinam nga split decision nga kadaugan batok ni American Carlos Condit gahapon didto sa MGM Arena sa Las Vegas.
Sa maong kadaugan si Lawler misaka sa 27-10 win-loss record, samtang si Condit nakahiagum sa iyang ikasiyam nga pilde sa 39 ka away.
Dili sayun ang kadaugan alang ni Lawler kinsa kapila usab natay-og human sa bangis nga mga kumo ug sukmag ni Condit, apan nakabawi si Lawler ilabi na sa fifth round diin kapila niya gibukbuk ang American challenger hangtud sa pagbagting sa katapusang bell.
Ang maong away giisip karon nga sayung kandidato alang sa ‘Fight of the Year’ sa kalibutan sa combat sports. (BANAT NEWS)
- Latest
