CEBU, Philippines – Ang Power Forty ballclub ubos sa liderato ni Lando Almojallas mopahigayon sa ilang tinuig nga Christmas Party ug ingon man awarding sa nangaging kampiyon ugma sa buntag, Disyembre 30 diha sa Inayawan Sports Complex, Cebu City.
Giawhag ni Almojallas ang tanan miyembro sa pagtambong sa maong kalihukan.
Sa dili pa magsugod ang party, adunay exhibition games nga pagahimuon. Unang mopakita’g gilas mao ang mga magduduwa ubos sa Legend category 60-above sa alas-8 sa buntag, sundan sa aksiyon sa Veterans 50-above ug dayon ang All-Star North vs. South.
Human sa mga duwa, isunod sab dayon ang Christmas Party ug awarding. Gawas niini, magpili sab og bag-ong hut-ong sa mga opisyales nga modumala sa Power Forty ballclub.
Ang maong kalihukan ubos sa bendisyon sa ilang presidente nga si Lando Almojallas ug ingon man ni vice president Allan Lim, Vez Eleguin, Atty. Flor Yosores, Romy Rama, Bob Samson, Chino Kalinga, Dome Ozon, Edwin Dejacto ug sa tanang miyembro sa maong ballclub. (BANAT NEWS)