Bohol nakadepensa didto sa Bahrain
CEBU, Philippines – Nakadepensa sa iyang titulo si Cebuano tennis player Jerico Bohol atol sa FCTG Open Tennis Championship didto sa nasud sa Bahrain.
Si Bohol pabiling super-singles champion human niya gipukan si Gilbert Sinocruz, 7-5, 4-6, 10-3. Unang gidispatsar ni Bohol ang usa ka Indian player, sa wala pa niya gipilde si Jojo Fernandez, 6-0, 6-2 sa semis.
Wala milampos si Sinocruz pagpalagpot ni Bohol sa iyang trono ilabi na nga desidido ang nauwahi nga mudaog human mahanaw sa iyang mga kamot ang Indian Club Open tennis title.
Si Bohol uban sa iyang igsuon nga si Genalyn miduwa alang sa Filipino Club Tennis Group batok sa ETG Saudi diin nakakuha sila og duha ka daog matag usa.
Hinuon pakyas ang mga Pinoy dihang gipilde sila sa ETG Saudi, 21-29. (BANAT NEWS)
- Latest
