CEBU, Philippines - Suwayan karon sa Star Hotshots nga moabante sa playoff sa ilang pakigsangka batok sa huyang nga Blackwater Elite sa PBA Philippine Cup didto sa Smart Araneta Coliseum.
Ang Star (3-7) ug ang Blackwater (2-7) mag-abot sa main game sa alas-7 sa gabii human sa duwa tali sa Talk 'N Text Tropang Texters ug GlobalPort Batang Pier.
Kompiyansa si Star coach Jason Webb nga mapukan nila ang Blackwater ilabi na nga gusto sa iyang mga key players nga sila si James Yap ug Marc Pingris nga ipakita nga usa gihapon ka contender ilang koponan sa labing unang conference nila nga wala na si multi-titled coach Tim Cone.
Gawas nila ni Yap ug Pingris, anaa sab nila silang Mark Barroca, Alex Mallari ug Justin Melton. (BANAT PALARO)