Tabal rayna sa 21K sa Pryce Gas Marathon
CEBU, Philippines – Human naka-grandslam sa National Milo Marathon dili pa lamang dugay, pabiling mibulhot ang garbo sa mga Sugbuanon nga si Mary Joy Tabal hinungdan nga gilangkat niini ang titulo sa women's 21K category sa Pryce Gas International Marathon kagahapon didto sa dakbayan sa Cagayan de Oro.
Gipukan ni Tabal alang sa korona mao ang karibal niining si Mary Grace de los Santos.
Sa iyang bahin, si Noel Tillor, ang labing tadhan nga runner sa Sugbu, miguwa nga labing paspas sa mga Pinoy'ng entrante sa full marathon ug sa kinatibuk-an mitapos siya ikawalo nga puwesto, samtang ang iyang kababayan nga si Ruffa Sorongon maoy nanghawod sa women's 5K division.
Didto sa Negros Oriental, pipila ka mga Sugbuanon ang misalmot sa 103-kilometer ultramarathon, diin si Irene Oliveros nalandig sa ikatulong dapit sa iyang age group, samtang si Tony Galon, ang founding president sa Cebu Ultramarathoner's Club, mipahiluna sa ika-15 nga dapit sa men's division. (BANAT NEWS)
- Latest
