CEBU, Philippines – Mibomba og 26 puntos si Mark Barroca aron pangulohan ang Star Hotshots nga milampos pagputol sa ilang four-game winning streak batok sa Mahindra Enforcers, 104-96, kagahapon sa PBA Philippine Cup didto sa Smart Araneta Coliseum.
Sa maong kadaugan, ang Star nabuhian og paglaum nga makasud pa sa playoffs sa ilang 3-6 win-loss record, samtang ang Mahindra natagak sa 2-7 nga baraha.
Dili hinuon sayun ang maong kadaugan alang sa koponan ni Jason Webb human misikit kanila ang Enforcers hangtud sa final period.
Gibati og kulba ang Star dihang nakapasud og tres si Mahindra guard Karl Dehesa aron inaug ilang labaw sa uno punto, 95-94, sa nahibiling uno minuto sa duwa.
Hinuon daling nakabawi ang Hotshots sa paningkamot usab nila ni James Yap ug Barroca aron itukod ang singko puntos nga labaw, 99-94. Mihimo usab og krusyal nga three-point play si Alex Mallari nga usa sa mga mikandado sa daog alang sa Star. (BANAT NEWS)