CEBU, Philippines - Andam na ang tanan alang sa pagpahigayon sa Christmas Run nga gipasiugdahan sa JCI Cebu-Mactan Channel, Inc. ug Anytime Fitness karong Domingo diha sa The Terraces sa Ayala Center Cebu.
Mga kategoriya nga mahimong daganan mao ang 12K, 6K ug 3K.
Usa kini ka fund-raising event alang sa ‘Read and Lead’, usa ka literacy program nga nagtabang sa Special Education department sa Lahug Elementary School.
Kapin sa 500 ka mga runners ang gilauman nga mosalmot sa lumba.
“Being healthy and fit should be timeless. The Holiday Season should not be an excuse. That’s why our partnership with Anytime Fitness is on point. Fitness should be aimed for anytime,” matud pa ni Idyll Liza Peroramas, ang 2015 President sa JCI Cebu-Mactan Channel, Inc.
Ang registration fee nagkantidad og P350 sa 3K, P450 sa 6K ug P550 sa 12K libre na ang running shirt, santa hat, anytime fitness bandana ug freebies gikan sa sponsors.
Gawas sa lumba, aduna sa’y fitness festival nga mohatag og libreng klase sa Zumba, Punchfit, Functional 50, Body Beats ug Yoga. Ang Crossfit Pintados, Flow Genesis Parkour ug Fitness Studio mohimo usab og klase sa tagsa-tagsa nila ka mga discipline.