White Stallions no.1 sa elims

CEBU, Philippines – Na-upset sa Gold Eagles ang White Stallions sa iskor, 87-84 apan sila lang gihapon maoy nag-una human sa elimination round sa nagpadayon nga Compostela Hardcourt Club (CHC) kagahapon didto sa Compostela gym.

Ang Gold Eagle kinsa adunay 4-2 nga baraha, gipangulohan ni Alvin Castro kinsa miburak og 30 puntos samtang midugang og 13 puntos si Harry Espante.

Si Nante Wagas maoy nangu sa White Stallions sa iyang 25 puntos ug mihipos og 22 puntos si Jimilo Banzon ug laing 16 puntos gikan ni Jhade Lawas.

Sa laing duwa, na-upset sa Green Cobra ni CHC president Rey Gala ang Cops Black Tigers sa iskor, 77-73 aron makapugos og do-or-die game batok sa Red Horse karong Biyernes.

Si Jimboy Oposa maoy nangu sa Green Cobra sa iyang 23 puntos ug lain tulo ka teammates ang mibahug sab og double figures.

Si Glenn Rosal miposa og 20 puntos aron pangulohan ang Black Tigers.

Sa ikatulongduwa kagahapon, gipatapsingan sa Red Bull ang Blue Marlins, 100-99 pinaagi sa labing unang triple overtime sa CHC.

Miburak og 30 puntos si Nick Castro alang sa 1-5 nga Red Bull ug si Elvin Tejero maoy nangu sa 2-4 nga Blue Marlins sa iyang   25 puntos ug parehong may 20 puntos matag usa silang Darnyl Francisco ug Roland Lasit.

Puntos matag usa:

First Game:

Gold Eagle (87) — Castro 30, Espante 13, Lucero 11, Getalada 11, Amor 10, Velasco 10, Castro 2.

White Stallions (84) — Wagas 25, Banzon 22, Lawas 16, Oposa 8, Calo 6, Taneo 6, Abiera 3.

Second Game:

Green Cobra (77) — Oposa 23, Villegas 15, Velasco 13, C. Son 13, Javelosa 7, Porlas 2, Somblingo 2. E. Son 2.

Cops Black Tigers (73) —   Rosalc 20, Goc-ong 12, Rondina 9, Mejias 9, Dela Cerna 6, Edejer 4, Marolina 4, Maglasang 4, Rubilla 4, Caacoy 2, Caturza 1.

Third Game:

Red Bull (100)— Castro 30, Cohitmingao 18, Panganiban 16, Labuen 13, Tudio 8, Brioso 8, Morales 7, Castro 6, Tumulak 4.

Blue Marlins (99) — Tejero 25, Francisco 20, Lasit 20, Penaranda 15, Callano 10, Mahinay 9. (3 O.T). (BANAT NEWS)