CEPCA 'Magic 12' kumpletohon karon

CEBU, Philippines – Kompletohon na karong adlawa ang ‘Magic 12’ nga magkumbati sa grand finals sa Cebu Executives and Professionals Chess Association (CEPCA). 

Ang katapusang hugna sa eliminasyon duwaon  karong alas-2  sa hapon diha sa Handuraw Cafe sa Gorordo Avenue, siyudad sa Sugbo.

Sukwahi sa miagi nilang binulan nga torneyo, duha ka mga qualifiers ang kuhaon matag grupo ning Nobiyembre nga edisyon. Ang   molampos moabante ngadto sa gitawag nga ‘Battle of Champion’ sunod bulan.

Naglangkob sa sayong mga ni-qualify sa Group A mao sila si two-time grand champion Jimmy Ty Jr., Rey Flores, Arnold Cadiz, Peterson Sia, Tony Cabibil, Ross Yamyamin, Amado Olea Jr., Zilverstein Torres, Carlo Maraat ug Jojo Muralla.

Samtang mga finalists na   sa  Group  B   mao  sila si Regelito Hortelano, Ruel Hortelano, Elmer Odango, Jojo Paredes, Jun Kidlat, current club president Jerry Maratas, Jessa Balbona, Edwin Cablao, Romy Pialan ug Michael Ventulan.  (BANAT NEWS)