CEBU, Philippines – Napulo ka teams ang kompirmadong mosalmot sa 1st OBEY Developmental League nga sugdan karong adlawa diha sa East Visayan Academy covered court.
Ang OBEY (Outstanding Basketball Enhancement for the Youth), gimugna ni kanhi UV Lancers coach Felix ‘Donbel’ Belano.
Ang mga koponan nga mosalmot mao ang Sacred Heart School-Ateneo de Cebu, Monterey School, CIT-Thumbs Up, St. Benedict-Coach K., St. Scholastica Academy, ACT, USJ-R, Cebu Sacred Heart Talisay, Mandaue Youth Team ug ang host East Visayan Academy.
Ang torneyo adunay tulo ka age group -- ang Under 10, Under 13 ug Under 17.
Si Belano, kinsa mihatag og usa ka CESAFI title sa UV, maoy gihimo karong southern scout sa University of the East alang sa UAAP ug sa San Beda College alang sa NCAA. (BANAT NEWS)