CEBU, Philippines – Mikulit sa ikatulo nilang daog ang Red Horse ug ang Green Cobras sa nagpadayon nga Compostela Hardcourt Club (CHC) Christmas League basketball tournament aron makamugna og four-way tie sa unang pwesto kagahapon didto sa Compostela gym.
Sa primerong duwa, midaog ang Red Horse batok sa Blue Marlins sa iskor, 102-98 samtang sa ikaduhang duwa, midaog ang Green Cobras ni CHC president Rey Gala batok sa Kangaroos sa iskor, 89-62.
Tungod sa maong kadaugan, ang Red Horse ug Green Cobras pareho nang adunay 3-1 nga baraha ug nagtabla sila uban sa White Stallions ug Black Tigers.
Nagmangtas si Peter Cabahug kinsa miburak og 36 puntos aron pangulohan ang Red Horse samtang midugang og 18 puntos si Job Juntilla ug may 17 ug 14 puntos matag usa silang Richard Tampipi ug Nante Herbias.
Ang Blue Marlins gipangulohan ni Elvin Tejero sa iyang 30 puntos, miamot og 18 puntos si Anthony Ebas ug may 11 puntos si Roland Lasit ug lain pa gyud duha ka kauban ang miamot og double figures. Ang Blue Marlins aduna nay 2-2 nga baraha ug nagtabla sab sa Gold Eagle kinsa mi-bye kagahapon.
Sa laing duwa, si Jimboy Oposa mihakot og 20 puntos alang sa Green Cobras dihang ilang gilubong ang Kangaroos nga gipangulohan nilang Sir Roca ug Rudy Puebla, ang vice president sa CHC.
Sa kataposan ug ikatulong duwa kagahapon, naka-eskapo ang White Stallions batok sa Black Tiger (Police) sa iskor, 86-84.
Silang Jimilo Banzon, Jhade Lawas ug Jeffrey Vergara pulos mibahug og double figures alang sa White Stallions samtang ang Black Tigers gipangulohan ni Romeo Mejias sa iyang 21 puntos ug may 18 puntos si Glen Rosal ug midugang pa gyud og 13 ug 10 puntos matag usa silang Daryl Rondina ug Arni Goc-ong.
Puntos matag usa:
First Game:
Red Horse (102) – Cabahug 36, Juntilla 18, Tampipi 17, Herbias 14, Duyogan 5, Entanto 5, Eleguin 4, Flores 2, Garcia 1.
Blue Marlins (98) – Tejero 30, Ebas 18, Lasit 11, Pepito 10, Castro 10, Rico 8, Francisco 7, Bernardo 2, Callano 2.
Second Game:
Green Cobras (89) – Oposa 20, Mingueto 12, Villegas 11, C. Son 10, Velasco 9, Entanto 7, Soblingo 6, Gala 4, Villacarlos 4, E. Son 4, Porlas 2.
Kangaroos (62) – Roca 17, Puebla 13, Singahan 10,Cabanes 9, Zamora 5, Deo 3, Librero 2, Noval 2, Zita 1.
Third Game:
White Stallions (86) – Banzon 13, Lawas 11, Vergara 10, Abano 8, Apas 8, Wagas 8, Natad 8, Lupo 6, Oposa 6, Espejo 4, Carlo 2, Taneo 2.
Black Tigers (84) – Mejias 21, Rosal 18, Rondina 13, Goc-ong 10, Respecio 8, Marolina 6, Edejer 4, Dela Cerna 4, Rubilla 2. (BANAT NEWS)