Safeguard Triathlon mosikad karon sa Bohol
CEBU, Philippines – Dul-an sa 800 ka mga triathletes lukop nasud ug ingon man pipila ka mga langyaw’ng atleta ang nagpanikad nang mopakita’g aksiyon sa Safeguard 5i50 Triathlon karong adlawa didto sa Bellevue Resort sa Panglao island sa Bohol.
“Our aim for this event is to encourage even more people to adopt a healthy lifestyle and embrace multi-sport training and racing. While we recognize that people may have an Ironman or Ironman 70.3 event as a "bucket list" item, we also realize that you need to start somewhere and this event does exactly that,” matud pa ni Wilfred Uytengsu, ang president sa Sunrise Events nga maoy nagpasiugda sa maong karera.
Nag-una sa listahan sa mga entrante mao ang upat ka Australian pros nga sila si Sam Betten, Mitch Robins, Michael Murphy ug Justin Granger.
Sa women’s division, seguradong masentro sa atensiyon mao ang asawa ni Justin nga Belinda Granger gumikan kay molumba man kini sa katapusang higayon isip pro. Sa iyang tinguha nga sakmiton ang titulo, dakong babag sa iyang dalan mao sila si Dimity Lee Duke ug ang Pinay nga si Monica Torres.
Pipila sab ka tadhang Pinoy triathletes ang mokumbati apil na ang mga Sugbuanon nga sila si John Philip Duenas, Elmo Clarrabal, Jorry Ycong, Kristianne Lim ug Mendel Lopez.
Sa women’s category, ang mga bitoon nga angay atngan mao sila si Louie Villacin, LC Langit, Kim Mangrobang ug Claire Adorna.
Ubay-ubay nga mga Sugbuanon ang miapil sa maong karera gumikan kay kabahin man sab kini sa katapusan nilang preparasyon alang sa 8080 Triathlon sunod semana didto sa San Remigio amihanang bahin sa Sugbo. (BANAT NEWS)
- Latest
