Batang Gilas tagak na sa torneyo
CEBU, Philippines - Nahanaw ang damgo sa Philippine national youth basketball team nga moabante sa FIBA U16 World Cup human sila gipalagpot sa Japan sa iskor nga 73-66 atol sa quarterfinals sa nagpadayong aksiyon sa 2015 FIBA Asia U16 Championship sa miaging gabii didto sa Jakarta, Indonesia.
Sakit kini nga kapildihan sa Batang Gilas tungod kay pakyas sila pagpadayon sa ilang nindot nga momentum human nila gipilde ang defending champion China sa katapusang duwa sa preliminary round.
Apan bisan pa niana, ang Batang Gilas mipakita gihapon og kadasig kagahapon dihang gibuntog nila ang Thailand, 81-46 sa classification phase sa maong torneyo.
Si Juan Gomez De Liano nangulo sa Batang Gilas sa iyang 16 puntos, samtang si Ralph Escalona miiskor og 11 puntos. Ang anak ni PBA legend Danny Ildefonso nga si Dave Ildefonso mitampo og 10 puntos.
Sa maong kadaugan ang mga Pinoy may kahigayonan nga motapos sa fifth place sa laing classification game diin atubangon nila ang Lebanon o di ba Kuwait.
- Latest
