CEBU, Philippines - Ang ikaduhang edisyon sa Historic Resort City Marathon gikatakda karong Nobiyembre 14 diha sa Lapu-Lapu City Hall grounds.
Gawas sa katuyoan alang sa kahimsog sa panglawas, ang Lapu-Lapu City mogamit usab sa maong marathon sa pag-promote sa ilang siyudad nga adunay mga nindot kaayong beach resort ug puno sa kasaysayan.
Ang mga organizers miingon nga ang 42K sugdan sa tungang gabii aron dili mabalda ang dagan sa trapiko.
Lain pang mga kategoriya nga mahimong daganan mao ang 21K half marathon, 10K ug 5K.
Gisugdan na ang registration ug matapos kini sa Oktubre 31. Ang entry fee nagkantidad og P550 sa 5K, P650 sa 10K, P1,200 sa 21K ug P1,500 sa 42K.
Mahimong magparehistro didto sa Planet Sports sa Ayala Center-Cebu ug Pueblo Verde, Beauche'
International sa Tamiya sa Brgy. Basak, Lapu-Lapu ug sa Lapu-Lapu City Hall. (BANAT PALARO)