Marcial miHATAG laing daog sa PILIPinas
CEBU, Philippines - Ang welterweight contender nga si Eumir Felix Marcial mikulata sa Egyptian niyang kontra nga si Said Mohamed Walid aron hatagan ang Pilipinas sa ikaduha niining sunod-sunod nga daog sa AIBA World Boxing Championships didto sa Doha, Qatar.
Ginamit ang makusog niyang suntok, gidabo-dabohan og kulata ni Marcial si Walid hinungdan sa iyang kalampusan pinaagi sa TKO.
“Tinamaan din niya ako nung una kaya sabi ko kailangan ko na gumanti,” matud pa sa 19-anyos nga si Marcial nga kanhi world junior ug Asian youth champion. “Mabuti na lang at tumama ‘yong mga suntok ko.”
Si Marcial gikatakda nga makigharong sunod batok ni Youba Sissokho sa Spain, kinsa nakalahutay sab sa
sunod nga hugna human midaog batok ni Ardee Sailom.
Ang lain pang Pinoy nga miabante sa sunod nga hugna mao si Rogen Ladon sa Bago City, nga miabli sa kampanya sa Pilipinas pinaagi sa paglansang og impresibong unanimous decision nga kadaugan batok ni Leandro Blanc sa Argentina. (BANAT PALARO)
- Latest
