CEBU, Philippines - Milampos ang Cansojong, Biasong ug Tabunok sa pagsakmit sa kampiyonato sa tagsa-tagsa nila ka dibisyon sa 3rd Mayor JVR Inter-barangay Cup basketball tournament didto sa Talisay City Sports Complex.
Ang Cansojong nga gipangulohan nila ni Gerwin Rabaya ug Francis Adrian Candia mipukan sa Tangke, 77-71 aron maangkon ang championship trophy sa juniors division.
Sa ilang bahin, ang Biasong milubong sa Mohon, 86-72 aron sab maghari sa seniors division. Mibida sa Biasong mao ang MVP nga si Christopher Obeso sa iyang 29 puntos.
Sa open division, ang Tabunok nimasaker sa San Isidro, 93-72 aron sakmiton ang kampiyonato. Si Ronald Bucao maoy nangu sa kadaugan nga mipabuto og 22 puntos. (BANAT PALARO)