Final 12 sa Gilas hanap pa

CEBU, Philippines – Pipila ka semana nalang og mahitabo na ang FIBA Asia Championship, apan hangtud karon nagmakuli gihapon si Gilas Pilipinas coach Tab Baldwin sa paghingalan sa final 12 nga moduwa alang sa nasud.

Padayun nga gipaabot kun kinsa ang 12 ka players nga malakip sa final line-up sa Gilas nga moduwa sa FIBA  Asia karong Septiyembre 23.

Si Baldwin miangkon nga padayun pa niyang gipangita ang ensaktong timpla sa line-up nga maoy iyang saligan sa ilang mga duwa.

“I don’t know if he’s in the equation yet. We have to see. I haven’t got this puzzle figured out. This puzzle is, I don’t even know what the picture is. The box cover is blank. It doesn’t give me any clue,” matud pa ni Baldwin.

Usa sa rasun nga wala pay final line-up sa Gilas mao usab ang pag-uli sa US sa ilang naturalized center nga si Andray Blatche kinsa wala miduwa sa Jones Cup ug ang padayung pagpaabot sa national team kun makaduwa ba gyud si NBA player Jordan Clarkson. – LPM gikan sa Philstar.com