Richport batok Doggie sa CEI cage finals

CEBU, Philippines - Ang topseeds Richport ug Doggie Warriors mipalagpot sa ilang tagsa-tagsang karibal aron maoy magbagat sa finals sa Camay-Espinosa International (CEI) Friendship Cup basketball tournament niadtong Huwebes sa gabii didto sa Brgy. Tinago, ning siyudad. Ang Richport nga  miharos sa ilang walo ka duwa sa eliminasyon, midemolis sa Martinez Compound, 99-89, samtang ang Doggie Warriors  milangkat sa ikaduhang luna sa finals human gipilde ang Cabantan, 67-59.

Si Julieto Solitario mipabuto og 39 puntos alang sa Richport, samtang si Chris Fernandez midugang og 26 puntos.

Gipangulohan sab ni Kerker de la Cerna ang Martinez Compound pinaagi sa iyang 34 puntos, samtang si Clark Mayola adunay 14 puntos sa maong kapildihan.

Sa main game, si Christopher Deganio maoy topscorer sa Doggie Warriors nga miburak og 19 puntos, gisundan ni Carlo Bantulay sa iyang 10 puntos.

Sila si Pablo Baring ug James Baylon nagkumboya’g 23 puntos alang sa napilding Cabantan.

Puntos matag usa

Unang duwa:

Richport (99) – Solitario 39, Fernandez 26, Laborte 9, Malalay 9, Garcia 7, Yana 4, Babe 2, Rose 1, Risohinto 1.

Martinez Compound (89) –   Dela Cerna 34, Mayola 14, Amodia 12, Drayle 10, Mercader 5, Amper 4, Senisquin 2.

Ikaduhang duwa:

Doggie Warriors (67)  –   Deganio 19, C. Bantulay 10, R. Bantulay 9, Intes 8, Villarin 8, Bacus 8, Javier 2, Valenzuela 2.

Cabantan (59) –            Baring 12, Baylon 11, Razon 8, Auxilio 6, Flores 5, Alcos 5, Alcover 4, Nellas 4.