Daog gihapon
CEBU, Philippines – Nagmangtas ang University of San Carlos Baby Warriors sa fourth period aron ilubong ang University of Southern Philippines Foundation Baby Panthers, 95-78 sa 15th Cebu Schools Athletic Foundation, Inc. kagahapon didto sa didto sa Cebu Coliseum. Ang Baby Warriors nagbitbit na karon og 4-0 nga baraha ning maong torneyo.
Sikit ang duwa sud sa kinatibuk-ang third period diin igo lang milabaw ang Baby Warriors og tres puntos, 63-60.
Hinuon, na-outscore sa Baby Warriors ang Baby Panthers didto sa fourth quarter, 32-18.
Ning pagsuwat, padayon pa ang duwa tali sa Warriors ug sa University of Cebu Webmasters.
Ang Warriors tinguha nga mokulit og 6-0 sweep sa first round sa elimination.
Si Briedyn Aleyth Smith mibahog og 20 puntos aron pangulohan ang Baby Warriors, samtang si Alje de Gracia Mendez miamot og 18 puntos.
Ang sagunson nga singko puntos ni Ken Gato lakip ang usa ka three-pointer maoy nagsugod sa kainit sa Baby Warriors aron inaton ang ilang labaw ug sukad niadto wala na makasikit pa ang Baby Panthers.
Si Gato mihimo’g 13 puntos alang sa Baby Warriors ug si Joshua Laurente midugang og 11 puntos.
Si Jaffer Hernando maoy nangu sa Baby Panthers sa iyang 20 puntos, gisundan ni Ain Obenza sa iyang 17 puntos, samtang si George Cometa miamot og 12 puntos.
Puntos matag usa
USC (95) – Smith 20, Mendez 18, Gato 13, Laurente 11, Chavez 8, Canieso 6, Macadog 4, Pakanna 4, Mendoza 3, Octaviano 2, Fontanosa 2, Mangaron 2, Damolo .
USPF (78) – Hernando 20, Obenza 17, Cometa 12, Archival 8, Macalam 8, Pelegrino 4, Ybañez 4, Justol 3, Lequin 2. (BANAT NEWS)
- Latest
