Final leg sa 8080 TriathlonADTO sa San Remigio

CEBU, Philippines - Ang katapusang hunat sa duha ka leg nga 8080 Triathlon adto mahitabo sa lungsod sa San Remigio amihanang bahin sa Sugbo karong Nobiyembre 14.

Ang maong karera naglangkob og half ug full distance ug ingon

man relay event. Ang full distance naglangkob og 1.8-kilometer swim, 65K bike

ug 14K run.

Gawas sa elite category, ang mga age-groups nga kumbatihan mao

ang 15-19, 20-24, 25-29, 30-34, 35-39, 40-44, 45-49 ug 50-above.

Ang rehistrasyon nagkantidad og P3,800 sa individual full  distance

ug P2,800 sa half distance. Ang mga partisipante sa relay pabayron og P6,500

sa half distance ug P7,000 sa full distance.

Kadtong gusto mosalmot mahimong magparehistro sa

Drawingboard Incorporated sa Tango Plaza diha sa Queen’s Road luyo sa

Fooda-Mango, Bricks Multisport sa Cebu IT Park ug 30 Kitchen+Bar sa The

Gallery diha sa Mabolo.

Ang unang leg sa maong 8080 Triathlon nga giorganisar sa

Cornerstone Group gipahigayon didto sa Sogod niadtong bulan sa Mayo. (BANAT NEWS)