Mihangyo si Barangay Ginebra veteran guard LA Tenorio sa mga fans sa Gilas Pilipinas nga sabton siya sa iyang hukom nga dili moduwa sa national team alang sa 2015 FIBA Asia Championship sunod buwan didto sa China.
Si Tenorio miingon nga dili sayun ang hukom nga di moduwa sa national team ug nanghinaot nga dawaton pa siya sa national team kun mubalik siya.
Azkals sangka batok Maldives
Ang Philippine Azkals moduwa batok sa karaang karibal nga Maldives sa usa ka friendly game sa Septiyembre 3 didto sa Rizal Memorial Stadium.
Kinahanglan kini sa Azkals isip tune-up game sa dili pa ang ilang sangka batok Ukraine sa FIFA World Cup qualifiers sa Septiyembre 8.
Cavs gipresyur ni LeBron
Girombo karon ni NBA star LeBron James ang mga kadagkuan sa Cleveland Cavaliers nga papirmahon na og dakung kontrata ang iyang higala ug free-agent teammate nga si Tristan Thompson.
Si James grabeng miduso ni Thompson nga ipabilin sa Cavs tungod sa iyang pagtuo nga daku kini og matabang nga makuha na nila ang kampiyonato sunod season.