Kia wala pa kahukom
CEBU, Philippines – Sa kadaghan sa tanyag nga ilang nadawat, naglisud pagpakanaog og hukom ang kadagkuan sa Kia kun ilaha bang i-trade ang ilang No.2 pick sa nagsingabot nga 2015 PBA Rookie Draft sa Agosto 23 didto sa kaulohan.
Ang kadagkuan sa Kia nga gipangulohan ni Manny Pacquiao miingon nga wala sila magdali sa pagpakanaog og desisyon kun ilaha bang gamiton ilang No.2 pick o ihatag kini sa laing koponan bugti sa mas experienced nga player.
“We have all these offers but we’re taking our time to decide,” matud pa ni Kia team manager Eric Pineda sa Philstar.com.
Una nang mitanyag sa Kia ang Talk ‘N Text nga andam mohatag ni Ranidel De Ocampo bugti sa No.2 pick sa koponan.
Ang Talk ‘N Text mao ang mukuha sa No.1 pick, apan gusto nila nga maangkon usab ang No.2 tungod usab sa kadaghan sa mga lig-ong rookie nga mapilian karon nga draft.
Gawas sa Texters, laing mga koponan nga mipadayag og interes sa No.2 pick sa Kia naglakip sa mga koponan sa San Miguel Corp., Barako Bull, Rain or Shine ug Alaska. (BANAT NEWS)
- Latest
