CEBU, Philippines - Pormal na nga gilusad kagahapon ang Cebu People’s Coop Sportsfest 2015 nga buksan karong Agosto 22 diha sa Barangay San Nicholas Sports Complex tapad sa San Nicolas de Tolentino Parish, ning siyudad.
Dul-an sa 200 ka mga empleyado gikan sa 24 ka sangang buhatan sa CPC nga naglakip sa Bantayan Island ug Leyte.
Ang inter-color tournament adunay duha ka events, ang basketball alang sa lalaki ug volleyball sa babaye.
“Aside from giving our employees a way to be fit and healthy, this tournament will also be a great way to strengthen their bond and learn teamwork not only in sports but also in their respective jobs in the Cebu People’s Coop,” matud pa ni CPC President and CEO Macario Quevedo.
Adunay walo ka koponan ang mag-ilog sa korona sa basketball, samtang unom sa volleyball.
“We believe that this event will help our employees improve on their work,” segun pa ni CPC Board of Directors chairperson Maria Marlene Ladonga.
Ang mokampiyon nga mga koponan makadawat og P5,000, samtang P3,000 ug 2,000 sa second ug third placers.
Si Sportsfest Committee member Eric Abistado mibutyag nga nagplano sila nga mopasiugda og fun run karong Disyembre. (BANAT NEWS)