CEBU, Philippines – Gisubhan dayon og daog ang San Mig Food Ave. ug As-Es Sportswear sa pagsugod sa As-Es B.A.R. 2nd Conference (Fiesta Cup 2015) niadtong Lunes sa gabii didto sa Benjamin Solon Memorial Gym sa Cogon Ramos, Cebu City.
Ang San Mig Food Ave. midaog batok sa White Castle, 82-78.
Si Tikwil Caballero maoy nangu sa kadaugan sa iyang 25 puntos, gisundan nilang Hubart Sanchez ug Benjamin Galon nga adunay 14 puntos matag usa.
Sa laing bahin, ang As-Es Sportswear miiskor sab og daog pinaagi sa pagpilde sa Predelusis, 76-69.
Gipangulohan ang kadaugan ni Randyll Roncal, kinsa mitusak og 20 puntos, sila si Ritchie Sebrero ug Erwin Sico nagkumboya’g 26 puntos.
Si Aaron Miñoza mao sab ang nangu sa Predelusis pinaagi sa iyang 17 puntos, nakakuha sab siya og suporta gikan ni Jeff Bernal nga adunay 11 puntos.
Puntos Matag Usa
Unang duwa:
SAN MIG FOOD AVE. (82) – Caballero 25, Sanchez 14, Galon 14, Molina 6, Torres 4, Regidor 4, Arellano 4, Cababahay 4, Cabrera 3, Borres 2, Magallano 2, Estella 1.
WHITE CASTLE (78) – Malalay 18, Reyes 15, Llenes 12, Sonsona 7, Lanutan 6, Llanos 6, Revilla 4, Llenes 4, Tamao 2, Masbate 2.
Ikaduhang duwa:
AS-ES Sportswear (76) – Roncal 20, Sebrero 15, Sico 11, Astudillo 8, Mendoza 7, Magsayo 6, Palahang 4, Endab 2, Coyoca 2, Pamisa 1.
Predelusis (69) – Miñoza 17, Bernal 11, Sabal 9, Melencion 7, Predeluces 6, Rodriguez 4, Murillo 4, Del Carmen 4, Raboy 3, Abrio 2, Villaber 2. (BANAT NEWS)