Team Cebu City naghari sa Batang Pinoy
CEBU, Philippines – Ang mga batan-ong kickboxers sa Team Cebu City midominar ibabaw sa ring human nila gisakmit ang overall championship sa Muay Thai event sa 2015 Batang Pinoy national nga gipahigayun didto sa Malolos, Bulacan.
Ang mixed martial arts fighter nga si Ken ‘Shaolin’ Caniga sa Abuno Elementary School nangulo sa TCC human sa iyang double gold sa Wai Khru ug sparring combat.
Ang igsuon ni Ken nga si Lander Caniga naka-gold usab sa sparring ug silver sa Wai khru. Laing mga gold medalists sa boys division mao sila si Ejevan Colegado sa Abellana National School, Klyde Go sa CBD College, Jeth Van Puao sa Dominican School of Consolacion, Buen Algono sa Punta Princesa Elementary School ug John Nathaniel Gonzales sa Zapatera Elementary School.
Mokumpleto sa lista sa mga naka-medal sa boys event mao sila si Josh Ybanez sa Rainbow Child Learning Center sa iyang silver ug bronze, Jaycee Banzon sa Don Bosco National High School nga adunay silver, Zion Alexander Melecio sa Hipodromo Elementary School ug Wesley Colegado nga adunay duha ka bronze ug John Agustin Simbahon sa University of Cebu ug Abellana National School fighter Hiaroshi Rey Rosas nga naka-bronze.
Sa pikas bahin si Mary Grace Obrial sa Apas National High School milabnot og duha ka golds, samtang si Bea Kaye Labiste midugang og usa ug si Jodie Marie Banzon sa St.Theresas College adunay gold ug silver.
Ang managsuong Joshien ug Jewel Dumaran sa San Remegio National High School miamot og silver ug bronze, samtang si Brooke Kirsty Labiste sa STC adunay silver ug bronze. (BANAT NEWS)
- Latest
