CEBU, Philippines – Gipahayagan og maayo sa MGM Sounds and Promotions ang ilang tsansa nga madepensaan ang ilang korona human gibuntog ang San Remigio, 78-66, pagsugod sa semifinal round sa 7th Christian Athletic Volunteers (CAV) Invitational Basketball Tournament diha sa Tejero Sports Complex.
Si James Ferraren mipatuasik og 17 puntos alang sa MGM Sounds, samtang sila si Jomarie Beldoro ug Elizar Linda nagkumboya og 23 puntos.
Sa laing duwa, ang ASPA Scaffoldings mikulit og 66-57 nga kadaogan batok sa Crystal King. Si kanhi commercial standout Alex Cainglet maoy nangu sa ASPA sa napugnit niining 16 puntos.
Mga iskor
Unang duwa
ASPA (66) – Cainglet 16, Abadia 9, Dela Rama 9, Filoteo 8, Quilaton 7, Serenio 6, Tan 6, Sumampong 3, Cadiz 2
Crystal King (57) – Dajalos 16, Tigbas 13, Gonzales 11, Florita 5, Romaguera 4, Viagedor 4, Demicillo 2, Florita 2
Ikaduhang duwa
MGM (78) – Ferraren 17, Beldoro 13, Linda 10, Encina 9, Mariano 9, Compra Jr. 9, Menchavez 5, Bontuyan 4, Manal 2
San Remigio (66) – Niniel 14, Ryan Fabia 12, Lao 11, Fernandez 10, Judilla 9, Cortes 5, Ponce 3, Cortes 2. (BANAT NEWS)