CEBU, Philippines – Gisubhan dayon og daog sa ilang debut games ang NOMADZ ug Angel Mary Pawnshop atol sa pagbukas sa 8th season sa F.Llamas Youth Association (FYA) basketball tournament kaniadtong Huwebes sa gabii didto sa sitio Manggahan open court sa barangay Punta Princesa, ning dakbayan.
Gilatos sa NOMADZ ang RAV Team sa iskor, 91-73 ug gipaluhod sa Angel Mary Pawnhop ang Simple Likes Barbecue Haus sa iskor, 99-92.
Sa ikatulong duwa sa opening day, gilampurnas sa D&L dribblers ang Angel Car Door sa iskor, 89-58.
Mibahug og 20 puntos si Dondon Cadungog ug midugang si Toper Marata og 15 puntos aron pangulohan ang NOMADZ samtang mihakot sab og 20 puntos ang playing coach sa RAV nga si Baeng Medalle.
Sa main game, miburak og night-night 27 puntos si Ashley Mendoza alang sa Angel Mary samtang mitikdol og 18 puntos ang team owner nga si McLain Alkuino, ang player nga labing daghang fans nga magpanon aron lang mosaksi sa ilang duwa.
Duha na ka tuig ang milabay, nagdala og mga cheerers si Alkuino gikan sa Naga dihang miabante sila sa finals apan napilde sa Simple Likes.
Ang playing coach sa Simple Likes nga si Noel Medalle kinsa maoy tigpamaba sa FYA misakmit og 23 puntos samtang sila si Takle Abella ug Janus Abellana miamot og 18 ug 16 puntos, matag usa.
Sa laing duwa, silang Dodong Trangia ug Calvert Malicay parehong miburak og 19 puntos matag usa aron pangulohan ang D&L samtang silang Ranel Patalita ug Dexter Caballero miambit og 17 puntos matag usa alang sa Angel Car Door.
Ang maong duwa gitambongan sa FYA commissioner nga si Boy Atillo.
Puntos matag usa:
First Game:
NOMADZ (91) ? Cadungog 20, Marata 15, Ursal 15, Dacayana 14, Dela Pena 8, Laborte 3, Abella 2, Cabanes 2.
RAV (73) ? B. Medalle 20, Mirasol 10, C. Lavandero 10, Sabalande 9, Arreglo 8, T. Lavandero 8, Rollon 3.
Second Game:
Angel Mary (99) ? Mendoza 27, Alkuino 28, Ramirez 15, Villaver 10, Cadungog 6, Rara 4, Sarsaba 4,
Simple Likes (92) ? N. Medalle 23, Abella 18, Abellana 16, Gambe 12, Cueme 10, Rabe 8, Zapanta 4, Abellana 2.