Halad sa iyang princesa

CEBU, Philippines – Away ipahinungod ni Pacquiao sa anak niyang si Princess

Gipadayag ni eight-division world champion Manny Pacquiao nga ang maksaysayanon niyang away batok ni Floyd Mayweather, Jr. karong Mayo 2 didto sa MGM Grand sa Las Vegas iyang ipahinungod sa iyang anak nga babaye, si Mary Divine Grace nga ilang gi-anggaan og Princess.

Matud pa ni  Pacquiao nga sa tanan niyang mga anak, si Princess lang gyud ang nagsige og pangulit kaniya nga sangkaon si Mayweather.

“Princess was the one who kept on asking me to fight Mayweather. ‘Though I dedicate this fight to my country and to the fans all over the world, this is also a special gift to my Princess,” angkon pa ni Pacquiao sigun sa taho ni Aquiles Z. Zonio sa philboxing.com.

“Daddy, I want you to fight and defeat Mayweather. Please, daddy,” butyag pa sa Pinoyng kampiyon kabahin sa gisulti kaniya ni Princess.

Niadtong Biyernes sa gabii, tumang kalipay ang gibati ni Pacquiao kay toa naman ang tibuok niyang pamilya uban kaniya sa Amerika nga gipangulohan sa iyang kapikas nga si Jinkee, ang bise gobernador sa Sarangani diin si Pacquiao nagsilbe sab nga kongresista. Gawas ni Princess, niuban sab ang lain pang upat nila ka anak nga sila si Jemuel, Michael, Queenie ug Israel.

Nagkanayon si Pacquiao nga ang presensiya sa iyang pamilya makahatag kaniya og dugang inspirasyon ug ingon man makapagana kaayo sa iyang training alang sa labing dako nga away sa iyang kinabuhi.

“With God and my family behind me, my journey to victory is almost over. When God is with us, who can be against us?” batbat pa ni Pacquiao. “I’m glad that we are together again. The whole family is here. I draw strength and inspiration from them. As I’ve been saying, behind my success in life is my wife, Jinkee.” – Gikan sa philboxing.com