Ginebra segurado na sa q’finals

CEBU, Philippines - Mangandam na ang Barangay Ginebra San Miguel sa playoffs  kay  segurado na sila sa quarterfinals human modaog batok sa GlobalPort Batang Pier sa iskor nga 96-80 sa nagpadayong aksiyon sa 2015 PBA Commissioner’s Cup  kagabii didto sa Lucena City.

Ang maong kadaugan maoy nagtukmod sa  Ginebra ngadto sa 5-5 win-loss record, samtang ang GlobalPort midailos sa 4-6  record.

Human sa ilang sikit nga kapildihan batok sa Rain or Shine Elasto Painters niadtong Miyerkules, ang Ginebra walay puangod nga  mipahungaw sa ilang kalagot ngadto sa GlobalPort ug ila kining gilubong og 21 puntos sa first half sa iskor nga 46-25.

Sila si Greg Slaughter ug Michael Dunigan pulos mirehistro og 22 puntos aron pangulohan ang Ginebra, samtang si Josh Ubiztondo mitampo og 12 puntos. (BANAT NEWS)