RC Goldline half-marathon gitakda sa abril 12
CEBU, Philippines - Kapin sa 2,000 ka mga runners ang gilauman nga mosalmot sa labing unang RC Goldline Half-marathon sa Abril 12 nga manukad ug matapos diha sa Cebu Business Park.
Gawas sa 21K half-marathon, laing kategoriya nga mahimong salmotan mao ang 12K, 6K ug 3K.
“We carry the theme ‘get connected’ because as a cellphone and gadget store, we want to connect families and friends through running,” matud pa ni Christian Paro-an, ang RC Goldline saleshop president atol sa press conference kagahapon didto sa Bayfront Hotel.
Mga ganting salapi ug gift packs ang madawat sa top three finishers sa 21K, 12K ug 6K, samtang medal ug certificates alang sa mga mananaug sa 3K.
Niadtong dili maapil sa top three, may kahigayonan kini nga modaog sa raffle draw human sa lumba.
Ang registration fee sa 21K nagkantidad og P600, P500 sa 12K, P400 sa 6K ug P300 sa 3K libre na ang singlet, snacks ug Kapamilya sim. Mahimong magparehistro sa tanang branch sa RC Goldline dinhi sa Sugbo. (BANAT PALARO)
- Latest
