CEBU, Philippines - Adunay unom ka teams ang mosalmot sa 8th season sa F. Llamas Youth Association (FYA) basketball tournament nga buksan karong adlawa diha sa sitio Manggahan sa Brgy. Punta Princesa.
Pangulohan kini sa defending champion Pimentel Brokers nga Car Door na karon. Ang laing teams nga mosalmot mao ang runner-up Simple Likes Barbecue Haus, RAB, Angel Pawnshop, D&L Nomads.
Si Noel Medalle, ang PRO sa FYA mibutyag nga ang maong torneyo magsubay og single round robin diin ang top two teams human sa elimination round moabante sa semifinals ug magpaabot sa survivors sa laing upat ka teams nga mopailawom sa playoffs.
Ang modaog sa playoffs maoy moabante sa semifinals diin magsangka ang no. 1 batok sa no. 4 ug ang no. 2 batok sa no. 3. Ang modaog moabante sad ngadto sa knockout finals.
Si Punta Princesa barangay councilor Boy Atillo maoy gitudlong tournament supervisor/commissioner. (BANAT NEWS)