Mohatag na sab og pasidungog ang Sportswriters Association of Cebu (SAC) ngadto sa mga top performing nga Sugboanong mga atleta aron sa ika-33 nga edisyon sa SAC-SMC Sports Awards nga gipaluyohan sa San Miguel Corporation ubos sa ilang manager sa Corporate Communications Office (CCO) diha sa dakbayan sa Mandaue nga si Ms. Girlie Garces.
Nasabotan sa final meeting nga adto kini ipahigayon sa Ayala Activity Center karong Marso 31. Ang maong meeting didto ipahigayon sa Laguna Garden Cafe niadtong Marso 12 sa udto nga gipatawag sa presidente nga si Rico Navarro, ang athletic director sa Sacred Heart School-Ateneo de Cebu.
Mitambong sab ang kanhi SAC president nga si John Pages ug ingon man ang mga aktibong sakop sa SAC nga naglakip kang boxing physician Dr. Rene Bonsubre, Atty. Jinggo Quijano, chess columnist Boy Pestano, Bobby Motus, Jun Migallen, Jonas Panerio, Jade Violeta, Richell Chavez, Lemuel Maglinte, Dale Rosal ug mga lady scribes nga silang Caecent Noot-Magsumol ug Marsante Alison.
Hingpit na gyud ang listahan sa pasidunggan pinaagi sa paghatag kanila'g plaque. Ang mas maayo'g agi nga atleta ilabi na sa international competitions maoy hatagan sa Major awards samtang ang uban makadawat og citations--indibiduwal man o team.
Ang labing unang kunsiderasyon nga himoon mao ang international competition, sunod ang national ug dayon ang lokal nga mga torneyo.
Ang luncheon meeting nahuman pasado alas tres sa hapon tungod kay tagsa-tagsang gituki ang mga outstanding athletes aron wala'y magmahay sa mga awardees.
Dayag na lang nga dili namo ikatug-an ang mga ngan ning sayong bahin sa buwan aron dunay gitawag og "element of surprise" ug lakip na gani sa gituki kung kinsay himoong guest speaker.
Sa kasamtangan, padayon pang gihangyo ni Ms. Garces ang mga opisyales sa PBA nga si kanhi Commissioner Chito Salud maoy dapiton nga speaker. Si Salud gi-promote karon isip president ug Chief Executive Officer sa PBA.
Gipinalisar na sab kung kinsay himoong Athlete of the Year ug Sportsman of the Year ingon man ang Presidential Awardee ug Orlacsan Awardee.
Nagkadaiyang mga atleta sa nagkalain-lain sab nga sports events maoy pasidunggan sa SAC kinsa moatubang na sab sa mga outstanding athletes sa alas 3:30 sa hapon. Aron pormal tan-awon, gisabotan sab nga magbarong ang mga sakop sa media.
MISCELLANEOUS. Again, this corner wants to greet all March celebrants especially officemates namely Ramesh Rosillo, Brian Roy Padilla, Dice May Padilla, Nina Sumacot-Abenoja, Lucky Malicay and myself last March 11. Congrats also to all graduates this month. Last March 12 while attending a sportswriters meeting, I had a jaw-dropping surprise when a waiter of the Laguna Garden Cafe came inside the function room bringing along with him a lighted cake. I was not expecting that it was for me because it was already one day late after my birthday. Anyway, thanks for the very memorable gift and surprise Mr. Girlie Garces of the San Miguel Corporation's Corporate Communication Office (CCO) in Mandaue City. That's one proof that many friends love me. Thanks a lot Ms. Girlie and God bless you.