CEBU, Philippines – Wala na usiki pa ni Sandra Sollano ang kahigayonan dihang siya ang gikoronahan isip labing paspas sa All-Women's Ultra-marathon niadtong Sabado didto sa D’ Family Park sa Brgy. Talamban, ning siyudad.
Si Sollano, kinsa maoy runner-up ni Mereeiz Ramirez sa miaging tuig, miseguro nga makuha na ang korona human niya gihuman ang 50K nga lumba sud sa lima ka oras, usa ka minuto ug usa ka segundo. Sikit nga nagsunod niya si Preciosa Sanchez nga mioras og 5:01:01.280. Mipuwesto sa ikatulong dapit ang laing veteran marathoner nga si Rhoda Oporto sa oras nga 5:05:08.
Mikompleto sa top 10 mao sila si Jade Abellana (5:08:55), Wilma Theresa Lugay (5:12:40), Daisy Batac (5:22:36), Ramirez (5:24:01) Virginia Parajenog ( 5:25:14), Marecor Baclay (5:26:49) ug Sheila Aligway (5:30:42). (BANAT NEWS)