CEBU, Philippines – Gipangpilde sa Chowking Mango ug Ramos Gems ang tagsa-tagsa nilang kaatbang sa crossover semifinals aron maoy mag-abot sa finals sa As-Es B.A.R. First Conference Basketball Tournament 2015 diha sa Benjamin Solon Memorial Gym sa Cogon Ramos, Cebu City.
Ang Chowking Mango yano kaayong misulod sa finals pinaagi sa pagsiak sa NHJ Helmet sa iskor nga 86-76, samtang ang Ramos Gems miagi pa og kalisud una nila maangkon ang 90-84 nga kadaugan batok sa R.A. Essentials.
Si Brgy. Lahug councilman Andrew Biton maoy nangu sa Chowking Mango nga mihaling og 25 puntos, gisundan sa gamititoy nga si Jimbo Tambolero nga miduslit og 11 puntos.
Si kanhi MVP Roberto Abasolo mipabuhagay og 29 puntos aron mao sab ang mangu sa NHJ Helmet.
Sa laing bahin, ang Jef Chan sa Ramos Gems nga si Aaron Miñoza mikubkob og 20 puntos alang sa ilang kadaugan, samtang ang napildeng R.A. Essentials gipangulohan ni Louie Tanggol sa iyang 29 puntos, samtang si Reggie Licanda mitampo’g 11 puntos.
Ang Chowking Mango-Ramos Gems titular showdown duwaon karong alas-6:30 sa gabii.
Puntos Matag Usa
Unang duwa:
CHOWKING MANGO (86) – Biton 25, Tambolero 11, Antido 10, Torres 10, Miano 6, Borres 6, Arellano 6, Alesna 5,Regidor 5, Dela Calzada 4, Ylaya 4.
NHJ HELMET (76) – Abasolo 29, Ferrer 21, Iglisia 6, Birao 5, Arias 5, Tanjamura 4, Aliñabon 2, Lim 2.
Ikaduhang duwa:
RAMOS GEMS (90) – Miñoza 20, Gastador 14, Ropero 9, Yap 9, Secuya 8, Bernal 8, Sabal 7, Pardenilla 4, Montilla 4, Mark P. 4, Rodriguez 3.
R.A. ESSENTIALS (84) – Tanggol 29, Licanda 11, Bacalso 9, Llagas 9, Capoy 4, Millan 4, Alcover 4, Zamora 4, Obcial 2, Pada 2, Bastida 2, Manzano 2, Godiz 2. (BANAT NEWS)