CEBU, Philippines - Buksan na karong adlawa ang 3rd season sa Golden Dribblers Basketball League (GDBL) Above-50 basketball tournament diha sa Guadalupe Sports Complex.
Ang HLY ni Atty. Flor Yosores nga nagtinguha nga mokulit og grandslam makigsangka batok sa MEU-MCWD sa alas 8:30 sa buntag. Sundan dayon kini sa sangka tali sa Blessel/Tungkil batok sa Team Rama sa alas-10 ug magtakus ang Punta Princesa batok sa Naga sa alas 11:30 sa buntag. Inig ala-una sa hapon, ang host Guadalupe Athletic Association (GAA)-Aulga makigbatok sa Barangay Tisa ug ang Perez Trucking makigsangka sa Lucky 40. (BANAT NEWS)