CEBU, Philippines – Nakadawat og pasidungog gikan sa iyang dapit nga Maasin City si ALA boxing star Jason Pagara.
Si Pagara kinsa garbo sa Maasin milampos pagdepensa sa iyang WBO light welterweight title niadtong miaging semana batok ni Mexican Cesar Chavez didto sa Davao City.
Caguioa naguol
Mipadayag sa iyang kaguol si Barangay Ginebra San Miguel star Mark Caguioa human madunggi ang taho nga moretiro na isip commissioner sa PBA si Chito Salud.
Si Caguioa mapasalamaton ni Salud kinsa iyang giisip nga maoy nakahatag og dakung kalambuan sa liga.
Mutombo sa Hall-of-Fame
Ang kanhi NBA center ug African player nga si Dikembe Mutombo nalakip karon sa mga bag-ong batch sa Hall of Famers sa basketball.
Si Mutombo usa ka eight-time NBA All-Star ug siya usab ang gikahadlokang defenders sa iyang panahon. (BANAT NEWS)