Lahug FC, Cebu Dynamos daog dayon
CEBU, Philippines - Gisubhan og daog ang Lahug FC ug ang Cebu Dynamos sa unang adlaw sa Aboitiz Football Cup kagahapon sa duha ka managlahing binyu.
Ang Lahug FC mirehistro og double victory sa mixed under-11 class. Unang daog nila pinaagi sa ‘default’ batok sa Sacred Heart School-Ateneo de Cebu. Nasundan kini pinaagi sa paglubong sa San Roque Football Club, 5-0 didto sa Aboitiz Sports Field sa Brgy. Subangdaku, Mandaue City.
Ang Lahug FC Team B nakahimo og usa ka daog ug tabla dihang ilang gipukan ang BMALV, 3-0, sa wala pa ang ilang 1-all draw batok sa Bright Academy-B.
Didto sa SHS-AdC field, ang Cebu Dynamo mihimo sab og double-victory sa unisex under-9 class. Una nilang gipilde ang Paref Springdale 4-2 ug ang Consolacion FC, 6-0.
Sa all-girls bracket, ang St. Theresa’s College (STC) midaog sa duha ka dibisyon pinaagi sa pagpilde sa duha ka teams sa Tabor Hills Football Club. Ang STC midaog sa under-15 sa iskor nga 6-1 ug sa under-18 class, 6-0.
Ang Talisay Razkals mipahilum sab sa Bright Academy girls, 5-0. (BANAT NEWS)
- Latest
