CEBU, Philippines - Nakasugat og problema ang ERCO-BRO Nationals FC sa ilang kampanya sa knockout stage sa 2014-2015 Philippine Football Federation (PFF) Smart National Men’s Club Championship nga sugdan karong hapon didto sa kaulohan.
Kini gumikan kay unom sa ilang gihulmang players ang gi-disqualified sa UFL sa katapusang minuto.
Ang organizing PFF uban sa United Football League (UFL) officials ug ubang team representatives nakahukom mga dili tugotan ang upat ka Green Archers nga silang Chieffy Caligdong, Paolo Pascual, Ronnie Aguisanda ug Reyland Villareal ug ingon man nilang Ian Araneta ug Mark Ferrer sa Philippine Air Force sa pagduwa sa team. (FREEMAN)