CEBU, Philippines - Han-ay na ang tanan alang sa labing unang Cebu City Triathlon karong Domingo diha sa Cebu City Sports Center (CCSC).
Aron pagdugang og kasadya sa kompetisyon, ang Cornerstone Group nga maoy nagpasiugda sa maong kalihukan mitanyag og 10 ka slots alang sa relay event.
Sa pagka karon, miabot na ngadto sa 180 ka mga atleta ang kompirmadong mosalmot sa maong lumba.
Mga kategoriya nga kumbatihan mao ang men ug women’s elite, 15-19, 20-24, 25-29, 30-34, 40-44, 45-49, ug 50-above age groups.
Moabot ngadto sa P100,000 nga ganting salapi ang iapud-apud ngadto sa mga mananaog.
Kadtong gusto moapil, mahimong moparehistro sa Cebu City Sports Center, sa 30 Kitchen+Bar at The Gallery sa Mabolo ug puwede sab sa online pinaagi sa www.cornerstone8080events. com.
Ang entry fee nagkantidad og P2,500, libre na niini ang race bag, belt, finisher’s medal ug t-shirt ug ingon man visor. (BANAT PALARO)