Top 16 sa Sinulog Mayor’s cup open 10-ball tourney mahibaw-an karon
CEBU, Philippines - Laing upat ka bilyarista ang miabante ngadto sa Top 16 sa nagpadayong Sinulog Mayor’s Cup Open 10-Ball Billiards Tournament kagahapon diha sa Jancor Billiards Hall sa dan Manalili, ning dakbayan.
Ang miabante mao silang Asis ‘Adobo’ Tadique, Arnel ‘Dodong’ Bautista, Bernie ‘Kamel’Pentakasi ug Antonio ‘Entoy’ Delfin.
Una nang miabante silang Nelio Tanio, Genesis Ouano, Ricardo Alinsub ug Anthony Raga.
Laing walo ka players ang gipaabot nga moabante sa Top 16 karong adlawa sa pagtapos sa elimination round nga mao sab ang katapusang higayon nga tugotan ang mga players nga makahimo’g re-entry.
Sa kasamtangan, wala pa malakip sa listahan sa Top 16 ang usa sa labing maayong billiard player sa nasud nga si Ronnie ‘The Volcano’ Alcano, ang kanhi 8-ball ug 9-ball World Champion niadtong 2008 didto sa Saudi Arabia.
Si Alcano midaog batok kang Elvis Calasang, 7-3, apan nasukamod sab siya dihang miiskor og upset si Arnel Bautista, 2-7. (BANAT PALARO)
- Latest
