Danao mo-host Phl leg sa Asean Cup

CEBU, Philippines – Ang dakbayan sa Danao mo-host sa unang hut-ong sa 2015 ASEAN Mountainbike Cup nga gikatakda sa Enero 23-25. Ang registration period alang sa labing daku nga lumba sa mountainbike sa Southeast Asia gilusad kagahapon sa event’s website.

Ning tuiga,  ang lumba gibuak sa lima ka legs diin magsugod kini sa Pilipinas, sundan dayon sa Malaysia, Timor Leste, Indonesia ug Thailand.

Gilauman nga daghang riders ang  mopakita’g aksiyon sa maong lumba kay ubos kini sa pagtugot sa Union  Cycliste Internationale (UCI).

Ang tanang legs  ubos sa C3 classification  nga naglakip sa men ug women’s elite cross-country, elite downhill ug men ug women’s cross-country.

Ang registration fee nagkantidad og $50.

Alang sa dugang pang mga pakisayod, mahimong mo-check out sa www.aseanmtbcup.com, e-mail sa [email protected] o mahimong motawag sa 0927-570930. (BANAT NEWS)