Rondo midaog dayon

CEBU, Philippines – Misidlak dayon ang bitoon ni Rajon Rondo atol sa iyang debut game uban sa bag-o niyang team ang Dallas Mavericks kinsa mipukan sa depleted nga San Antonio Spurs aron mokulit og 99-93 nga kadaugan kagahapon didto sa American Airlines Center sa Dallas, Texas.

Nakuha si Rondo pinaagi sa trade kaniadtong Huwebes ug siya maoy gihimadlan nga makahatag og kalig-on sa backcourt uban kang Monta Ellis sa tinguha sa Mavericks nga mahimong  championship contenders pag-usab.Gitablahan ni Ellis ang iyang season high nga 38 puntos aron pangulohan ang Dallas lakip ang 11 puntos sa kataposang kuwatro minutos sa duwa. Si Ellis maoy nagbuka sa 93 tie pinaagi sa iyang drive ug human sila molabaw  sa nahibiling 1:48 ang oras sa duwa, wala na mulabaw ang Spurs kinsa may 12 puntos nga abante sa second period. Ang  Spurs nahiagom na sa ilang ikaupat nga sagunson nga pilde lakip ang three-overtime games niadtong Miyerkules ug Biyernes batok sa Memphis ug sa Portland. ''I felt it. It's in my blood. Those guys were tired from last night, and their defense let up, so we took advantage," matud pa ni Ellis.Si Rondo, ang four-time All-Star kinsa  kapin na sa walo ka season nga nagduwa didto sa Boston Celtics, mihimo'g sayis puntos ubos sa iyang 3-for-11 ug ingon man siyam ka asists ug pito ka rebounds.Mato pa ni Rondo ''It was exciting. Best part was we got the win.''

Si Marco Belinelli maoy nangu sa Spurs sa iyang 21 puntos samtang si  Aron Baynes mihimo'g career-high 16 puntos.Igo lang nakahimo'g 13 puntos si Dirk Nowitzki alang sa Dallas ug matud pa niya sa bag-o niyang teammate nga si Rondo ''I actually think that he knows the plays better than some of our own guys. (GGM gikan sa NBA.com) (BANAT NEWS)